Drejtori i Autoritetit Rrugor Shqiptar, Ami Kozeli, në një konferencë për mediat ditën e sotme dka dhënë detaje për atë që po ndodh në aksin Librazhd-Prrenajs, ku prej disa ditësh është i bllokuar për shkak të rrëshqitjes së dherave.
Kozeli tha se do të prishet ura ekszistuese, ndërsa shtoi se ka një mobilizim total për zgjidhjen sa më të shpejtë të këtij problemi.
Pa dhënë një afat kohor, Kozeli theksoi se po punohet për ndëtimin e një aksi të ri 1.3 kilometra i cili parashikohet të bëhet [përgjatë hekurudhës në shtratin e lumit Shkumbin.
“ARRSH ka një mobilizim total për zgjidhjen sa më të shpejtë dhe të sigurt të këtij aksi të ri rrugor. Ky aks i ri është 1.3 km. Nuk mund të themi një afat konkret kohor”, tha Kozeli.
Ndëkrohë Kozeli hodhi poshtë zërat se shkak për dëmtimin e rrugës të jetë bërë marrja e inerteve në lumin Shkumbin.
“Lidhur me pjesën e marrjes së inerteve vazhdoj ta përgënjeshtroj për shkak të marrjes së inerteve pasi ka pasur kontroll nga IKMT, i cili ka verifikuar të gjithë dokumentacionin dhe aty nuk ka asnëj lloj shkelje nga ana e kontraktorit”, tha Kozeli.
