Bisedimet midis zyrtarëve të Shteteve të Bashkuara, Ukrainës dhe Rusisë filluan të premten në Abu Dabi, duke shënuar takimin e parë trepalësh, i cili bëhet publik, që nga fillimi i pushtimit rus të Ukrainës në 2022, sipas një burimi të njohur me negociatat, që foli për CNN.
Sipas të njëjtit burim, bisedimet po zhvillohen në Emiratet e Bashkuara Arabe dhe janë pjesë e përpjekjeve diplomatike të intensifikuara për të arritur një marrëveshje që mund të çojë në përfundimin e luftës.
Kjo është hera e parë që përfaqësues të Uashingtonit, Kievit dhe Moskës ulen në të njëjtin tryezë pas pushtimit rus katër vjet më parë. Fokusi kryesor është çështja territoriale në Ukrainë, siç rezulton nga deklaratat e Zelenskyt dhe këshilltarëve të Putinit.
Bisedimet në Abu Dabi zhvillohen pas takimit të gjatë që zhvilloi të enjten në mbrëmje i dërguari special i presidentit amerikan Donald Trump, Steve Whitkov, së bashku me dhëndrin dhe këshilltarin e lartë, Jared Kushner, me presidentin rus Vladimir Putin në Moskë. Takimi zgjati rreth katër orë.
Këshilltari i Kremlinit, Yuri Ushakov, e përshkroi takimin me të dërguarit e Trump si “jashtëzakonisht të dobishëm, konstruktiv dhe jashtëzakonisht të sinqertë dhe konfidencial”. Megjithatë, ai paralajmëroi se “pa zgjidhjen e çështjes territoriale, nuk duhet të pritet arritja e një marrëveshjeje afatgjatë”./vizionplus.tv
