Xhakomo Vrioni do të rikthehet në Europë. Këto janë raportimet e fundit për ish-sulmuesin e Kombëtares dhe Juventusit, që së fundmi e mbylli me Montreal në Amerikë.
Për Vrionin janë përfolur disa destinacione, si Belgjika, Greqia, Polonia dhe Turqia. Po ashtu nuk përjashtohet rikthimi në Itali.
27-vjeçari u zhvendos në Amerikë nga vera e vitit 2022. Nga kampionati amerikan do të largohet me kujtimin e 19 golave në 76 ndeshje.
Duket se Vrioni kërkon të rikthehet në Europë, për të bërë sërish mirë. Sezonin më të mirë e kalonte me Tirolin në Austri ku shënoi 17 gola dhe asistoi gjashtë të tjerë në 30 ndeshje.
