Gjendet pa shenja jete në shtëpinë e tij, mjeku i njohur italian, Dr.Giuseppe De Donno, i cili u bë i njohur në të gjithë botën, pasi zbuloi kurën e Covid-19 me plazmë gjaku te personat që ishin në gjendje të rëndë. Ai ishte shefi kryesor i departamentit të Pneumologjisë të spitalit Carlo Poma në Mantova.
Sipas raportimeve të para, dyshohet se mjeku është vetëvarur. Nga ana tjetër, prokurori i Mantovës ka vendosur të hapë zyrtarisht një hetim për vdekjen e mjekut.
Ndërkohë, autoritetet italiane po hetojnë për shkakun e vdekjes. Hetuesit kanë sekuestruar celularët dhe kompjuterët e mjekut.
De Donno propozoi trajtimin eksperimental të bazuar në plazmën hiperimune gjatë valës së parë të Covid, kur vaksinat nuk kishin dalë ende.
