Një nënë afro-amerikane ka akuzuar për racizëm një mësuese të bardhë në shkollën fillore Floral Avenue Elementary School në Florida, pasi kjo i këndoi djalit të saj 6-vjeçar një version “humoristik” të këngës së ditëlindjes, ku e quante “majmun”.
Në një video të bërë publike, shihet mësuesja duke i mësuar fëmijëve të vegjël tekstin klasik të këngës “Happy Birthday”. Më pas, ajo i drejtohet djalit duke i thënë nëse dëshiron të dëgjojë versionin “gazmor” të këngës. Kur ai u tregua i entuziazmuar, mësuesja filloi të këndojë: “Gëzuar ditëlindjen. Jeton në kopshtin zoologjik. Dukesh si majmun dhe ke erë si majmun”, ndërsa nxiti klasën ta duartrokasë.
Nëna e djalit, Desiree Prather, u shpreh e tronditur nga ngjarja: “Nuk mund ta besoja. Nuk ka asgjë gazmore në këtë”. Sipas saj, djali është tepër i mërzitur dhe i frikësuar për t’u kthyer në shkollë, nga frika se do të ngacmohet apo etiketohet si “majmun” nga bashkëmoshatarët.
“E turpëron para gjithë klasës. Kjo është dhimbje për çdo nënë. Askush nuk duhet të dërgojë fëmijën në shkollë dhe të frikësohet se do të përballet me fjalë raciste nga mësuesit. Tani djali im ka nevojë për ndihmë psikologjike, qan dhe nuk do të kthehet në shkollë”, shtoi ajo.
Administrata e shkollave publike të qarkut Polk njoftoi se sjellja e mësueses është në proces hetimi. Ndërkohë, nëna e fëmijës kërkon që mësuesja të pushohet nga puna dhe të kërkojë falje me shkrim: “Ajo duhet të marrë përgjegjësinë për veprimet e saj. Djali im u lëndua, kjo ngjarje është bërë tashmë globale dhe nuk duhet të mbetet pa pasoja”.
/vizionplus.tv
People are claiming this teacher is racist for singing the monkey in a zoo version of happy birthday to this little boy
What do you think? pic.twitter.com/PCUChp6n2k
— TaraBull (@TaraBull808) October 1, 2025
