Një aksident është regjistruar këtë të martë në aksin rrugor Maliq – Korçë.
Ngjarja ka ndodhur në afërsi të kryqëzimit të fshatit Çiflig, kur një mjet ka qenë duke udhëtuar nga Maliqi në drejtim të Korçës. Në rrethana ende të paqarta nga ekspertët e qarkullimit mjeti ka devijuar korsinë, duke kaluar nga krahu i djathtë i aksit nacional në krahun e kundërt e për pasojë është përplasur me një rrethim banese në anë të rrugës.
Goditja ka qenë aq e fortë sa ka sjellë fillimisht rrotulllmin e mjetit në aksin nacional e me pas përmbysjen e tij.
Në momentin e aksidentit, në mjet ka qenë vetëm drejtuesi i këtij automjeti i cili për fatin e mirë ka përfunduar me lëndime të lehtë.
I plagosuri ndodhet në spitalin e Korçës për ndihmë mjekësore.
Policia në vendin e ngjarjes po ndërton dinamikën e këtij aksidenti për të dalë në përfundimin e shkaqeve që sollën këtë situatë.
