Mjekë dhe zyrtarë të autoriteteve shëndetësore vazhdojnë të bëjnë thirrje të vazhdueshme mbi masat që duhen marrë për parandalimin e përhapjes së koronavirusit.
Thirrja kryesore në mënyrë të vecantë është për higjenën.
Larja e duarve e shpeshte dhe me sapun dhe dezinfektimi i ambjenteve ku qëndrojmë janë elemente thelbësore.
Po kaq e rëndësishme është shmangia e qëndrimeve në vende me shumë njerez, ruajtja e distancës mbi një metër dhe njoftimi në telefon i autoriteteve për cdo rast ku dyshoni se keni simptoma të njëjta me koronavirusin, temperature e lartë, ethe, dhimbje trupi, kollë dhe probleme me frymemarrjen.
Por ajo që në këtë rast saktësojnë specialistët dhe që është shumë e rëndësishme është që qytetarët të kuptojnë se koronavirusi nuk përhapet nëpërmjet ajrit por nëpërmjet kontaktit.
Më poshtë iu risjellim në vëmendje edhe një herë disa këshillja jetike që duhet të keni parasysh në këtë rast.
1- HIGJENA personale (larja e duarve shpesh dhe jo me pak se 20-30 sekonda) dhe atë kolektive.
2- MOS GRUMBULLIMI jo i domozdoshëm në mjediset publike e në të tjera mjedise,
3- PËRKUJDESI për “higjenën e të teshtiturës dhe të kolliturës”.
4- RUAJTJA e njomësisë së fytit me pirje të herë-pas-herëshme të sasive të vogla uji.
5- USHQIMI i variueshëm, kuptohet edhe sipas edhe mundësive financiare, i pasur me vitamina C, D, A.
6- të PATURIT në vëmëndje e mos frekuentimit të shkollave, e qëndrave të punës në rast shënjash klinike gripngjasuese (teshtitje, kollë, dhimbje koke, temperaturë),
7- VETËIZOLIMI 14 ditor për personat që vinë nga vënde të prekura dhe me raste të transmetimit komunitar të sëmundjes, harta e të cilave është zgjeruar që nga Kina e deri në Itali,
8- KONTAKTIMI me Shërbimin e Urgjencës Kombëtare me numurin 127, NËSE ai/ajo ka shënja të tilla si temperatura, tështitje e kollë, vështirësi në frymëmarje, dhe mos ardhja direkte në spital,
9- KUJDESI ndaj individëve mbi 65 vjeç dhe ndaj mjekimit të rregullt të sëmundjeve kronike që shumë prej tyre kanë: sëmundje kronike të zemrës, të veshkave, të mëlçisë, të mushkërive (sidomos të sëmurët me SPOK), të kyçeve, etj, si grupi më i rrezikuar për të bërë ndërlikime në rast infektimi nga Covid-19/Sars-Cov-2,
10- VETËKONTROLLI e mos panikimi për një situatë detyrimisht kalimtare të kërcënimit epidemiologjik të popullatës…
