Bashkia e Hasit ka reaguar në lidhje me vdekjen e foshnjës 3-muajshe në Krumë mbërmjen e të hënës.

 

Përmes një postimi në facebook, bashkia bën me dije se ka qenë e vëmendshme ndaj nevojave të familjes në fjalë, duke iu ofruar një banesë sociale, si dhe duke e mbështetur me ushqime dhe medikamente.

 

Gjithashtu, në njoftim nënvizohet se duke qenë se mamaja e foshnjës ishte diagnostikuar me probleme të shëndetit mendor, kishte propozuar vendosjen e fëmijës në një institucion të përkujdesit për fëmijë, por është kundërshtuar nga gjyshja.

 

Postimi:

Në emër të gjithë qytetarëve të Hasit, Bashkia e Hasit i shpreh ngushëllimet më të thella familjes Peca për humbjen tragjike të foshnjes.

Bashkia Has në bashkepunim me partnerë të tjerë në vazhdimësi ka qenë e vëmendshme ndaj nevojave të familjes duke i mbështetur ata, duke i ofruar banese sociale, ushqime dhe medikamente.

Krahas kësaj ndihme, nga strukturat e sherbimit social, nëna mbështetet me pagesën e programit të aftësisë së kufizuar. Gjithashtu është përfituese e ndihmës ekonomike.

Duke qenë se zonja është diagnostikuar me problematika të shëndetit mendor, grupi teknik ndërsektorial ka propozuar vendosjen e fëmijës në një institucion të përkujdesit për fëmijë, si një masë emergjente pasi prindi nuk mund të ushtrojë përgjegjësinë prindërore, masë e cila u kundërshtua nga gjyshja e fëmijës, e cila ka deklaruar se do të kujdeset për fëmijën. Në këto kushte, pas deklaratës së lëshuar nga gjyshja e femijes, ka qenë i pamundur transferimi në institucion rezidencial.

Edhe një herë Bashkia Has me pikëllim dhe dhimbje, shpreh ngushëllimet më të thella familjes dhe të afërmve të fëmijës për humbjen e rëndë.

Leave a Reply

Your email address will not be published.