Kryetari i Partisë Demokratike, Lulzim Basha uroi shërim të shpejtë për doktorin Dhimitër Kraja që u infektua me COVID-19. Basha tha në “Facebook” se ai u kthye në Infektiv pas 48 vitesh pa u menduar dy herë për të dhënë kontributin e tij në luftën kundër virusit.
“Asgjë nuk e ndali doktor Dhimitër Krajën të rikthehet pas 48 vitesh në repartin e infektivit për të ndihmuar dhe shpëtuar jetët e pacientëve. Guximi, humanizmi, profesionalizmi dhe solidariteti njerëzor rrëzuan çdo pengesë, dhe e rikthyen atë në krah të kolegëve të tij, në mbrojtje të jetës dhe shëndetit të bashkëqytetarëve nga virusi i rrezikshëm që e preku dhe atë vetë. I uroj nga zemra doktor Dhimitrit shërim të shpejtë! Urime dhe lutje për shëndetin e tij burojnë nga zemra e çdo shqiptari. Sot si kurrë më parë nderojmë dhe vlerësojmë sakrificat e mjekëve dhe infermierëve tanë që përballen çdo orë me rrezikun dhe sfidat e vështira të shpëtimit të jetëve nga pandemia e COVID-19.”
Doktori i njohur kishte dalë në pension mirëpo iu përgjigj thirrjes për tu kthyer në detyrë nisur nga situata e emergjencës me të cilën po përballet vendi dhe ish-kolegët e tij.
Por për fat të keq, professor Dhimiter Kraja ka rezultuar pozitiv në testin ndaj COVID 19 dhe për këtë arsye është shtruar në Infektiv për të marrë trajtimin mjekësor,.
Ministrja Manastirliu që dha edhe lajmin shkruan se gjendja e professor Krajës është e qëndrueshme.
