Donald Trump denoncoi një “gjueti shtrigash” në lidhje me akuzat e komunikimeve mes disa bashkëpunëtorëve të tij besnikë, duke përfshirë ministrin e Drejtësisë, Jeff Sessions dhe zyrtarë rusë gjatë fushatës elektorale amerikane të 2016.
“Jeff Sessions është një burrë me vlera dhe i ndershëm”, shkruan Donald Trump në një deklaratë, duke akuzuar demokratët se kanë humbur sensin e realitetit.
Ai pranoi gjithsesi se ministri i tij mund të ishte përgjigjur në mënyrë më koncize kur deklaroi publikisht se nuk ka patur kontakte me zyrtarë rusë gjatë fushatës, në atë periudhë ai ka takuar dy herë ambasadorin e Rusisë në Uashington vitin e kaluar.
”Por nuk ishte aspak e qëllimshme”, vijoi Donald Trump.
”Ai nuk ka pohuar asgjë të rreme”, pohoi ai.
