Me shqetësimin se mbyllja e kufijve nga Maqedonia do t’i çoje refugjatet qe ndodhen ne Greqi drejt Shqipërisë per te vijuar me pas udhëtimin ne Itali, Athina zyrtare është vene ne lëvizje. Burime diplomatike i thane gazetës greke “To Vima” se ministri i Jashtëm grek Nikos Kocias do te nise bashkëpunimin me fqinjët dhe ka planifikuar nje takim me homologet shqiptar e italian, Ditmir Bushati e Paolo Gentiloni ne 7 prill ne Athine. Ky takim vjen pak kohe pas vizitës se Bushatit ne kryeqytetin grek, ku ne fokus ishte edhe kriza e emigranteve. Sipas gazetës, takimi do te fokusohet ne zgjerimin e bashkëpunimit dypalësh dhe shkëmbimin e informacioneve te inteligjencës, por edhe mes autoriteteve policore. Shqipëria dhe Italia kane firmosur nje memorandum mirëkuptimi, më qëllim mbikëqyrjen e përbashkët të vijës kufitare për te shmangur kalime te mundshme te refugjateve përmes Italisë. Pak dite me pare, ne brigjet italiane u ndalua nje skaf me emigrante dhe u arrestuan dy skafistet, nje shqiptar e nje grek, por nuk ka pasur raportime per episode te tjera te ngjashme. Pas takimit te se enjtes ministria e jashtme greke, synon te arrije nje marrëveshje bashkëpunimi edhe me Maqedoninë dhe Bullgarinë. Kriza e emigranteve mbetet shqetësim kryesor per shtetet e unionit, ndërsa ka nisur zbatimi i planit per zhvendosjen e refugjateve nga Greqia drejt Turqisë. Per çdo sirian te kthyer, vendet e BE do te strehojnë nje tjetër sirian qe gjendet ne Turqi. E ndërsa është ende herët per te folur nëse marrëveshja ka dhëne rezultate, zbarkimet e refugjateve ne ishujt greke nuk janë ndalur.
