Tre shtetas shqiptarë kanë rënë në prangat e policisë në Maqedoninë e Veriut, pasi u kapën me 65 kilogram drogë, e llojit marijuhanë, të paketuara në 44 pako.

Operacioni policor është zhvilluar ditën e djeshme, ku janë arrestuar shtetasit me iniciale K.K. 25 vjeç, M.F. 28 vjeç dhe F.B.42 vjeç, të gjithë shtetas të Republikës së Shqipërisë, raporton Alsat.

Sipas autoriteteve droga kishte destinacion përfundimtar Greqinë.

“Gjegjësisht, dje në mëngjes, në rrugën rajonale nga Trpejca në Stenje, përmes Parkut Kombëtar Galiçica u ndaluan dy automjete udhëtarësh, tipi “Mercedes”, me targa shqiptare, të cilat morën pjesë në transportin e drogës. Gjatë kontrollit të automjeteve, njëra prej të cilave drejtohej nga K.K., ku si bashkë-drejtues ishte M.F., dhe e dyta nga F.B., u gjetën dhe konfiskuan 3 thasë të mëdhenj marihuanë, të paketuara në 44 pako”, thuhet në njoftimin e policisë maqedonase.

Leave a Reply

Your email address will not be published. Required fields are marked *