Eksperti i Ekonomisë Ergis Sefa, i ftuar në studion e emisionit “Quo Vadis” të moderatores Pranvera Borakaj, ka analizuar strategjitë e vendit tonë për zhvillimin afatgjatë.
Sipas tij, të gjitha vendet që kanë arritur t’i kapërcejnë fazat e zhvillimit për një kohë të shkurtër, kanë patur strategji përtej një mandati qeverisës, 20 apo 30-vjeçar. Ndërkohë që strategjia e vetme që ka Shqipëria është ajo për Zhvillim dhe Integrim, me një afat 5-vjeçar.
Pjesë nga biseda:
Sefa: Fatkeqësisht ne nuk kemi një model apo startegji zhvillimi të vendit afatgjatë, 20 apo 30-vjeçare, në të cilën të gjitha palët politike bien dakord dhe më pas ato konkurrojnë se kush do t’i arrijë më mire. Ajo që ne kemi është Strategjia Kombëtare për Zhvillim dhe Integrim, ka që në vitet 2000 që është futur si model, e cila ka një afat 5-vjeçar.
Borakaj: Çfarë parashikon ajo për Shqipërinë në 5 vitet e ardhshme?
Sefa: Ajo deri në vitin 20230 është në fuqiu, parashikon në 6 kolona se kush do të jenë modelet e zhvillimit, ku turizmin e vendos në kolonën kryesore, dhe inovacionin të dytin. Ajo startegji thotë se si duhen të miradministrohen të gjithë asetet në vendin tonë. Se sa është arritur tlë plotësohet, mbetet për t’u diskutuar. Kam përshtypjen se nuk është arritur ashtu siç duhet, por ne e kemi një startegji 5-vjeçare, në dallim nga vendet e tjera që e kanë patur 20 apo 30-vjeçare.
Borakaj: A duhet të jetë kështu zhvillimi i një vendi?
Sefa: Marrim modelin e Dubait.
Borakaj: Kemi tipologji të njëjta me Dubain?
Sefa: Kemi diçka të ngjashme me Dubain dhe Singaporin. Dubai e ka 25 dhe 30 vjeçare strategjinë, Singapori 40 dhe 50-vjeçare. Këto duhet të marrim si shembull. Vendi i tretë që mund ta marrim si shembull është Izraeli, por edhe ai që në vitet 1990 filloi strategjitë e modernizimit të ekonomisë dhe shkoi drejt pjesës teknologjike dhe inovacionit digjital. Të gjitha vendet që kanë arritur t’i kapërcejnë fazat e zhvillimit për një kohë të shkurtër, kanë patur shtrategji përtej një mandati qeverisës.
/vizionplus.tv
