Ka nisur seanca gjyqësore ndaj Erion Veliajt, ku i pranishëm në sallë është vetëm trupa gjykuese, ndërsa Veliaj nuk ndodhet në seancë. Në proces janë të pranishëm edhe dy prokurorët, Altin Dumani dhe Ols Dado.
Veliaj ka kërkuar që të mbrohet nga avokati Plarent Ndreca, i cili ka kërkuar shtyrjen e seancës, me argumentin se në të njëjtën orë ndodhet në një proces civil në Gjykatën e Tiranës, ku përfaqëson Arbjan Maznikun.
Ndërkohë, avokati Gurali Brahimllari, mbrojtës i Ajola Xoxës, deklaroi se klientja e tij nuk është e pranishme për shkak të një raporti mjekësor. Ai tha se Xoxa ndodhet në të njëjtën situatë shëndetësore dhe, për shkak të gjendjes së saj, e ka të pamundur të marrë pjesë në proces.
“Në respektim të vendimit të gjykatës, klientja që mbroj, në cilësinë e pacientes, ka bërë konsultën tek mjeku që e ka ndjekur. Për respekt të të dhënave personale nuk po i lexoj ato që mjeku deklaron, por ajo vazhdon në të njëjtën situatë dhe e ka të pamundur që të jetë prezente në këtë proces, që të realizojë mbrojtjen efektive”, u shpreh Brahimllari.
Nga ana tjetër, prokurori Ols Dado kundërshtoi shtyrjen e seancës, duke deklaruar se pengesë për zhvillimin e saj është bërë mbrojtja e të pandehurit Erion Veliaj.
“Konstatojmë që pengesë për zhvillimin e seancës po bëhet mbrojtja e të pandehurit Erion Veliaj. Gjykata duhet të caktojë edhe mbrojtës kryesisht, të vendosë gjobë sipas vlerësimit të saj dhe të pezullojë afatet e paraburgimit për të pandehurin”, deklaroi Dado.
Për sa i përket mungesës së Ajola Xoxës, prokurori tha se operacioni cezarian nuk e pengon atë të marrë pjesë në seancën gjyqësore. Gjykata pritet të vendosë mbi kërkesat e palëve për vijimin e procesit.
Nga ana tjetër, prokurori Ols Dado kundërshtoi shtyrjen e procesit, duke kërkuar që gjykata të caktojë mbrojtës kryesisht për Veliajn, si dhe të vendosë masat përkatëse ndaj mbrojtjes.
“Konstatojmë që pengesë për zhvillimin e seancës po bëhet mbrojtja e të pandehurit Erion Veliaj. Gjykata duhet të caktojë edhe mbrojtës kryesisht, të vendosë gjobë sipas vlerësimit të gjykatës dhe të pezullojë afatet e paraburgimit për të pandehurin”, deklaroi Dado.
Në përfundim, gjykata vendosi gjobë prej 50 mijë lekësh ndaj avokatit Plarent Ndreca për mungesë të pajustifikuar, ndërsa për Erion Veliajn u caktua një mbrojtës kryesisht. Avokatja Valentina Teodoresku do të jetë mbrojtësja e caktuar nga gjykata.
Gjithashtu, gjykata vendosi pezullimin e afateve të paraburgimit për Erion Veliajn.
Seanca e radhës është caktuar të zhvillohet më 15 shtator, në orën 10:00.
/vizionplus.tv
