Edhe pse nuk ka marrë asnjë njoftim zyrtar, sekretarja e Partisë Demokratike për degën e Sarandës, Matilda Qurku shprehet se është shkarkuar nga detyra.
Sipas saj, shkak është berë mospjesëmarrja në mbledhjen e Kryesisë që ishte planifikuar të mbahej këtë të shtunë.
Ndërsa sqaron se ka munguar në këtë mbledhje për arsye familjare, ajo pohoi se lajmin për shkarkimin e saj ia dha një anëtar Kryesie që ishte prezent në mbledhje.
“Dega e Sarandës sot ka patur një mbledhje Kryesie me rendin e njoftuar më poshtë (fotua bashkë ngjitur) Në këtë mbledhje unë nuk pata mundësi të marr pjesë për arsye familjare por sapo më njofton një antarë Kryesie prezent në mbledhje që qenkam shkarkuar dhe paskan bërë edhe propozime për zëvendësimin e pozicionit tim..Zyrtarisht nuk kam asnjë njoftim nga pengmarrësit e vulës dhe selisë qëndrore,por asnjë problem.. Ndihem e nderuar që më kanë shkarkuar pasi zgjodha të jem në krah të demokratëve dhe jo servile… Shihemi në datën 11 Dhjetor në Kuvendin e Demokratëve”, shkruan Qurku.
