Scarlett Johanson, përveçse një aktore shumë e mirë, është edhe një nënë e përkushtuar. Ajo ka rrëfyer se si arrin të vendosë një balancë mes familjes dhe profesionit, edhe pse duhet thënë se nuk është aspak e lehtë. Gjatë xhirimeve të filmit “The Ghost in the Shell”, aktorja ishte ende duke i dhënë gji fëmijës.
“Edhe kur unë isha në xhirime kujdesesha që t’i jepja mjaftueshëm gji fëmijës tim. Nëse ti mendon se kur të shkosh në shtëpi do ta marrësh veten nga lodhja, e pra kjo është një mënyrë për të marrë veten. Të duhet ta lësh pas gjithçka ke kaluar në punë gjatë ditës dhe t’u përkushtohesh plotësisht fëmijëve të tu. Jam shumë e lumtur që dita ime mbyllet pikërisht në këtë mënyrë, duke u kujdesur për fëmijët”,- shprehet Johanson.
Megjithatë, aktorja është duke u përballur me bashkëshortin Romain Dauriac mbi divorcin dhe kujdestarinë e vajzës së tyre 3 vjeçe. Avokati i Romain është shprehur se ai nuk ka ndërmend t’ia lërë kujdestarinë Johanson pasi axhenda e saj e përditshme e bën të pamundur kujdesin si duhet të vajzës. Ai nuk dëshiron që vajza të rritet nga kujdestaret e fëmijëve.
