Zbardhet dëshmia e autorit te masakrës ne El Paso te Teksasit ku mbetën te vrare 22 persona. 21 vjeçari i arrestuar Petrik Krusius, ka thyer heshtjen dhe ka shpjeguar të gjithë rrjedhën e sulmit dhe arsyet se pse e kishte ndërmarre ate. I riu u tha hetuesve se kishte vënë në shënjestër meksikanët në qendrën tregtare në El Paso.
Ditën e masakrës së përgjakshme, Petrik Krusius kishte lëvizur për 9 orë me makinë në zonën ku banonte për të identifikuar se ku kishte më shumë meksikanë. Ai kishte marrë me vete automatik dhe municione të tjera kur hyri në qendrën tregtare dhe nisi të qëllojë. Ai arriti të vrasë me armën tij 8 meksikanë.
Sulmin, autori I El Pasos, e kishte planifikuar më herët, madje kishte paralajmëruar për atë qe e konsideronte rrezikun e pushtimit hispanik duke shfaqur hapur urrejtjen ndaj meksikaneve. 21 vjeçari tashmë rrezikon dënimin me vdekje.
Por masakra ka vene edhe një here ne qendër te kritikave presidentin amerikan Donald Trump, i cili vizitoi familjarët e viktimave dy ditë më pare dhe iu prit me protesta.
Ai tha se nuk dëshiron në asnjë mënyrë që armët të përfundojnë në duart e njerëzve me probleme mendore ndërsa paralajmëroi forcimin e masave.
