Që nga koha kur nisi rrugën drejt famës, ajo është bërë e njohur për stilin e saj ekstravagant, të cilin e ndjek pa u stepur kurrë. Pikërisht për këtë dhe muzikën e saj, Rita Ora ka fituar miliona fansa.
Mbrëmjen e djeshme ajo tërhoqi vëmendjen, kur u shfaq me “grillz”, proteza dekoruese për dhëmbët, në ngjyrë të artë. Bukuroshja 26-vjeçare i vuri bizhutë për dhëmbët ndërkohë që nisej për një festë me miqtë e saj.
Rita kishte veshur edhe një bluze me një peshkaqen me dhëmbë të mprehtë, ndoshta për tu kombinuar me grillz-at.
Pasi fotot dolën në mediat sociale dhe atë on-line, komentet në lidhje me këtë kombinim të ri të artistes nuk ishin fort të mira. Disa nga komentuesit e quajtën këngëtaren peshkaqen dhe se nuk dukej aspak mirë me protezat e reja.
Mos u shqetësoni, sot Rita do ti heqë prapë.
