I pyetur nëse do të fillojë procedura për të siguruar vaksinat ruse dhe kineze, kryeministri Edi Rama tha se sasia e tyre është e kufizuar dhe se nuk nuk janë aprovuar nga Organizata Botërore e Shëndetësisë.
Kreu i qeverisë theksoi se të dyja vaksinat në fjalë janë të suksesshme, mirpo nuk janë bërë përpjeke për t’i marrë ato.
“E kam ndjekur dhe dua të bëj një sqarim. Askush mos të mendojë që vaksinat kineze dhe ruse është në tezga. Nuk është kështu! Edhe ndonjë shtet që ka lidhur dhe deklaruar marrëveshje nuk ka marrë akoma gjë. Sasitë për ato vaksina janë të kufizuara. Merrni numrin e të vaksinuarve në Rusi në krahasim me popullsinë. Nuk është numër që të bëjë të besosh se sasitë janë të mëdha. E dyta, mbase është keqkuptuar ajo që unë kam thënë, se nuk kemi asnjë arsye në botë për të vënë në dyshim integritetin e shkencëtarëve kinezë dhe rusë. Nuk kemi dyshim dhe kontestim. Ende nuk janë aprovuar nga OBSH, dhe nga ana tjetër, nuk mendojmë se ne duke qenë të linjëzuar me BE kemi ndonjë prioritet në radhën shumë të gjatë edhe për ato vaksina. Unë nuk kam ndryshuar mendim, dhe arsyeja është në këto që thashë. Nuk është çështje gjeo-politike, por është luftë politike në vetëvete jo për ne. Në të gjithë planetin. Bëhet luftë politike në arenën globale, e shikoni edhe këtu që hidhen teza e dëngla. Sepse nuk ka sasi, dhe sigurisht mbas këtyre të dyjave është luftë që varet nga niveli i marrëdhënieve dhe raportet personale. Duket çudi por varet edhe nga raportet personale. Në të gjitha rastst dua të bëj të qartë se nuk i kemi në dispozicion dhe po i refuzojmë. Nuk do të hedhim hapa formalë sepse jemi të vetëdijshëm sepse nuk ka arsye objektive që të na çojnë në rezultat. E kam thënë dhe e përsëris, kjo është situatë që mund të ishte shumë më ndryshe në kuptimin që kemi vendimarrje dhe nuk jemi ne për ta rregulluar. Maqedonia kthen sytë nga Kina e Rusia në mungesë do dozave për të filluar. Bëmë të gjitha përpjekjet për të siguruar vaksinën. Kështu që po kështu fjalët që thuhet për vaksinën ruse, bëjnë vlerësim pozitiv. Vaksina kineze është qartësisht e suksseshme.”
”
