Lionel Messi ka “thyer heshtjen” pas humbjes së Argjentinës në finalen e Kupës së Botës 2026 ndaj Spanjës.
Ylli argjentinas, përmes një postimi në rrjetet sociale pranoi se humbja e një finaleje botërore është një dhimbje e madhe.
Lexo edhe :
Më tej ai thekson se rrugëtimi i skuadrës dhe përpjekjet e gjithë grupit mbeten një arritje e rëndësishme.
“Dhimbja është shumë e madhe dhe do të jetë e vështirë që kjo plagë të mbyllet. Por gjithashtu mbetem me gjithçka të mirë që kemi bërë. Me ndeshjet që përmbysëm duke dhënë gjithçka dhe që do të mbeten përgjithmonë në kujtesë”, shkroi Messi.
“Sot është e vështirë të vlerësojmë atë që kemi bërë, por ky grup arriti në dy finale radhazi të Kupës së Botës. Faleminderit nga zemra për çdo përshëndetje dhe çdo mesazh. Edhe një herë arritëm të bashkojmë një vend të tërë dhe të ndajmë krenarinë e madhe për të qenë argjentinas”, u shpreh Messi.
“Dua gjithashtu të përgëzoj Spanjën për kampionatin”, shkroi Messi.
/vizionplus.tv
