Eksperti i energjisë, Eduard Elezi e cilëson të paligjshme deklaratën e kryeministrit Edi Rama bërë ditën e djeshme, teksa paralajmëroi një krizë energjitike.
I ftuar këtë të hënë në “Quo Vadis”, ai theksoi se kjo nuk është një krizë energjie, por krizë menaxhimi.
“Fuqia financiare e një familjeje nuk arrin të përballojë dot çdo lloj rritje. Mënyra e të shprehurit të Kryeministrit është e paligjshme. Nuk i rrit çmimet e energjisë elektrike Kryeministri, por Enti Rregullator i Energjisë, organ që varet nga Kuvendi. Në momentin që thotë se ‘do rrisë çmimin dhe do të mbroj shtetasit në nevojë’, e bën shkelje ligjore. Kjo deklaratë është shkelje ligjore.”
