Kryeministri Edi Rama deklaroi se rritja e shifrave më koronavirus ishte parashikuar. Ai tha se testimet që raportohen gjatë 24 orëve të fundit jane vetëm ato që realizohen në institucionet publike, ndërsa në privat numërohen vetëm ato që dalin pozitive.
Në bashkëbisedimin e tij me gazetarët këtë të martë, kreu i qeverisë tha se testimet e shpejta do të hyjnë së shpejti në proces.
“Rritja e numrave ishte e parashikuar, kemi një strategji që është e shkruar e zeza me të bardhë. Ne po bëjmë gjithçka dhe askush tjetër dhe askund s’po bën më shumë. Është fatkeqësi e madhe që një parti që pretendon se do bëhet shumicë, siç ka pretenduar prej vitesh dhe që do qeverisë vendin pas 25 qershorit, sic e tha Basha në dilemën e tij me shifrave dhe që përsërit cdo ditë që spitalet janë në kolaps, se nuk po bëhen teste, që përsërit cdo ditë duhet bërë kjo apo ajo, a thua së është autorizuar me një mandat ekperti është shumë e dëmshme, janë larg nga të qenurit në kolaps. Nuk i numërojmë testet që bëhen në privat, përvec se pozitivet që përfshihet në bilancit, janë vetëm ato të bëra në institucionet publik dhe ne nuk kemi teste të shpejta, jo sepse nuk i gjenim dot, por sepse është parë e arsyeshme që të testohet vetëm me PCR, testimet e shpejta do të hyjnë së shpejti në proces. Në vendet e tjera, një pesë e madhe e testeve janë teste të shpejta, dhe ky nuk është justifikim, unë thjesht bëja atë që sugjerojnë ekspertët dhe kam besim absolut te ata njerëz”, tha Rama.
