Analisti Poli Hoxha i ftuar në studion e QUO VADIS në Vizion Plus nën moderimin e Pranvera Borakaj ka kritikuar reformën e re territoriale, duke e cilësuar atë si një tjetër pasojë të politikave të qeverisë që, sipas tij, kanë ndikuar në shpopullimin e zonave të vendit.
Hoxha tha se reforma territoriale është një “vetëvërtetim i krimit” të qeverisjes 13-vjeçare, duke e lidhur atë me emigracionin dhe largimin e banorëve nga zonat periferike.
Sipas tij, mënyra se si është trajtuar reforma ka qenë e ndikuar nga interesa elektorale dhe jo nga zhvillimi i zonave.
“Konsensusi i Bashkimit Europian për për këto lloj reformash, por nuk e di ky si duket edhe nën efektin e protestës dhe të frikës për mua po ecën përpara me këto gjëra. Gjithsesi kjo reformë territoriale, kjo është një vetëvërtetim i krimit të kësaj qeverisjeje 13-vjeçare, të krimit më të madh dhe më thelbësor që është krimi i shpopullimit, është krimi i emigracionit të, siç e tha domethënë, të paprecedent në kohë jo lufte. Madje në kohë kur ti e shet si kohë suksesesh të jashtëzakonshme dhe po ta shikosh që nga mënyra si është diskutuar në fillim dhe këta nuk heqin dorë, vesi dalka me shpirtin, këta të gjithë reformën e kanë trajtuar në këndvështrim elektoral dhe duke e trajtuar në këndvështrim elektoral i kanë futur kriterin demografik që do të thotë, këtu ku s’ka shumë njerëz, t’i marrim dhe t’i fusim dhe të bëjmë një qark të fuqishëm votash. Duhet të ishte e kundërta”, tha analisti Poli Hoxha në QUO VADIS.
/vizionplus.tv
