Analisti Ardi Nurellari, i ftuar në studion e emisionit “Quo Vadis” të moderatores Pranvera Borakaj, e ka konsideruar protestën si zgjim të qytetarëve shqiptarë, pasi njerëzit kanë vendosur të mos jetojnë më në mashtrim.
Sipas tij, arritja më e madhe e protestës është fakti se ka arritur të thyejë murin e frikës dhe ka rikthyer solidaritetin mes qytetarëve.
“Gjithmonë jemi ndjerë të izoluar. Ky është një moment kyç kur thyhet muri i heshtjes dhe ti zbulon që nuk je vetëm, nuk je as pakicë dhe je në anën e duhur të historisë. Ky transformim është i paimagjinueshëm për një shoqëri. Njerëzit vendosin të mos jetojnë më në mashtrim. Deri sa erdhi një pikë kritike, ku mbushet kupa dhe del e vërteta. Dhe tani ka dalë e vërteta, nuk kthehet më. Ky popull që u zgjua, nuk vihet më në gjumë. Edhe po të ndalet sot protesta, nuk vihet më në gjumë. Kjo është e rëndësishme. Arritja më e madhe është që ka thyer murin e frikës dhe ka kthyer solidaritetin. Dhe nuk janë pakicë, është shumë më tepër. Dhe ata që janë atje, nuk janë asgjë para mënyrës se si kjo temë është futur në diskutimet e çdo tavoline, çdo familjeje“, tha Nurellari.
/vizionplus.tv
