Presidenti i Parlamentit të Greqisë, Konstandinos Tasulas, i ka dërguar mesazh ngushëllimi Kryetarit të Kuvendit Gramoz Ruçi.
Përmes një letre, Tasulas shpreh ngushëllimet më të sinqerta për të gjitha familjet që humbën njerëzit e tyre gjatë tërmetit që goditi vendin tonë.
“Në këto çaste të vështira, në emër të Parlamentit të Greqisë, timin personal dhe të popullit grek, ju shpreh ngushëllimet e sinqerta dhe simpatinë e thellë për familjet që humbën njerëzit e tyre, për qytetarët që luftojnë për përballimin e pasojave të tërmetit si edhe për të gjithë poipullin shqiptar”, shkruan midis të tjerash në mesazhin e tij Presidenti i Parlamentit të Greqisë, Konstandinos Tasulas.
