Një plagosje me thikë ka ndodhur mbrëmjen e sotme në qytetin e Shkodrës. Ngjarja ka ndodhur pranë shatërvanit në qendër të qytetit.
Bëhet me dije se ngjarja ka ndodhur pas një sherri mes adoleshentëve, ku dy prej tyre jantë goditur me thikë. Policia ka mbarritur menjëherë në vendngjarje, ndërsa të plagosurit janë dërguar në spitalin e Shkodrës.
Lexo edhe :
Po vijojnë hetimet për zvbardhjen e plotë të ngjarjes.
Njoftimi:
Rreth orës 19:50, në Spitalin Rajonal Shkodër janë paraqitur për ndihmë mjekësore, të dëmtuar me mjet prerës (thikë), shtetasi E. P., 19 vjeç, dhe një 17-vjeçar, të cilët aktualisht ndodhen nën kujdesin e mjekëve.
Shërbimet e Policisë kanë shkuar menjëherë në vendngjarje dhe, nga veprimet e para hetimore, dyshohet se këta shtetas janë dëmtuar me mjet prerës në lagjen “Qemal Stafa”, gjatë një konflikti të çastit.
Grupi hetimor, nën drejtimin e Prokurorisë, vijon punën për sqarimin e plotë të rrethanave të ngjarjes dhe kapjen e autorëve.
