Ministri i Turizmit, Kulturës dhe Sportit, Blendi Gonxhja, në përfundim të mbledhjes së qeverisë, foli për protestën e qytetarëve të cilët prej rreth një muaji kërkojnë dorëheqejn e kryeministrit Rama dhe qeverisë.
Ministri tha se qeveria është në një proces reflektimi dhe analize për të përmirësuar vendimmarrjen në interes të qytetarëve.
Megjithatë, ai përjashtoi mundësinë që qeveria të japë dorëheqjen si përgjigje ndaj kërkesave të protestuesve, duke argumentuar se mazhoranca ka një mandat të marrë nga qytetarët dhe duhet ta respektojë atë.
Ministri vlerësoi gjithashtu punën e bërë nga qeveria gjatë viteve të fundit, duke kujtuar se mandatet e saj janë përballur me sfida të jashtëzakonshme, si tërmeti i vitit 2019 dhe pandemia e COVID-19.
Sipas Gonxhes, Shqipëria ka arritur t’i kapërcejë këto vështirësi dhe nuk mund të mohohen arritjet e viteve të fundit.
Gonxhja: Unë jam i lidhur shumë edhe historikisht dhe shpirtërisht me protestën si institucion. Natyrisht që matem shumë, jamë matur në shumë prej daljeve të mia. Ne po analizojmë, po reflektojmë në çdo aspekt për çfarë është e mundur, që ne të bëjmë ç’është e mundur që të kemi një proces vendimmarrjeje sa më të mirë për qytetarët tanë. Mund të ketë momente që ne mund të jemi edhe më kritikë ndaj vetes.
Tani të lëmë çdo gjë në mes dhe secili të heqë dorë nga gjithçka pa e ditur se çfarë është ajo që propozohet kalon përejt meje si Blend, kalon përtej meje si ministër. Ne kemi shumë përgjegjësi ndaj qytetarëve, karshi vendit, karshi një kontrate që përfaësojmë këtu. Është në respekt të vetë, protestës që ne të sillemi me përgjegjsi ndaj atyre që na kanë votuar. Ne duhet të respektojmë vullnetin e të gjithë qytetarëve. Vetëm kështu mund të mendojmë se mund të kemi një rezultat më të mirë. Nuk ka asnjë mundësi që të kemi një Shqipëri perfekte befas, menjëherë dhe në kaq pak vite të një periudhe kur PS-ja, kur shumë instotucione që i kanë besuar PS kanë kaluar sfida të cilat ju i dini shumë mirë.
Mund të themi me zë të lartë që mandatet që kemi kaluar kanë qenë të kushtëzuar nga tërmeti, pandemia. Janë dashur vite e vite, që ne jemi përpjekur që të superojmë, që të përballojmë një prej situatave më të vështira që bota ka kaluar. Shqipëria i ka superuar këto situata, sot është në këmbë, është më mirë se kurrë. Nuk mund të hidhet poshtë gjithçka e bërë bërë në këto vite.
