Gjykata e Posaçme ka dënuar me burgim të përjetshëm Plaurent Dervishajn, të shpallur fajtor si organizator i atentatit ndaj ish-prokurorit të Durrësit, Arjan Ndoja, ngjarje në të cilën humbi jetën shoferi i tij, Andi Maloku, ndërsa u plagosën Ndoja dhe Aleksandër Laho.
Për të njëjtën çështje, gjykata ka vendosur dënimin me 35 vite burg për Julian Meçen, i cili u akuzua si i përfshirë në atentatin e ndodhur më 1 nëntor 2019 pranë mbikalimit të Shkozetit.
Sipas hetimeve, Dervishaj u konsiderua organizatori i sulmit të armatosur, ku gjatë të shtënave mbeti i vrarë shoferi i ish-prokurorit, Andi Maloku, ndërsa Arjan Ndoja dhe Aleksandër Laho, i njohur si “Rrumi i Shijakut”, mbetën të plagosur./vizionplus.tv
