Bilanci i viktimave në Venezuelë shkon në 235 pas dy tërmeteve shkatërruese, mbi 4.300 të plagosur, vijojnë kërkimet nën rrënoja

Venezuela po përballet me një nga fatkeqësitë më të rënda natyrore të viteve të fundit, pasi dy tërmete të fuqishme kanë lënë pas të paktën 235 viktima dhe mbi 4.300 të plagosur, ndërsa autoritetet paralajmërojnë se bilanci mund të rëndohet më tej me vazhdimin e operacioneve të kërkim-shpëtimit.

Lëkundjet sizmike me magnitudë 7.2 dhe 7.5 shkaktuan shembje masive ndërtesash, zjarre dhe dëmtime të mëdha në infrastrukturë. Më e goditura është zona e La Guaira, ku shumë persona vazhdojnë të rezultojnë të zhdukur nën rrënoja.

UPDATE: The death toll from the Venezuela earthquakes has risen to 188, with 1,520 people injured. Around 200 others are believed to be trapped, and approximately 250 buildings have been damaged or destroyed. pic.twitter.com/8aBIk7jlFY

— Breaking911 (@Breaking911) June 25, 2026

Reklamë

Ndërkohë, ndihma ndërkombëtare ka filluar të mbërrijë në vend. Brazili konfirmoi vdekjen e dy shtetasve të tij, Italia njoftoi humbjen e një qytetari me shtetësi të dyfishtë italo-venezueliane, ndërsa Kina raportoi se dy shtetas kinezë humbën jetën nga tërmetet.

Ministri i Shëndetësisë, Carlos Alvarado, deklaroi se ekipet e shpëtimit po punojnë pa ndërprerje, por mungesa e mjeteve dhe makinerive të rënda po e bën shumë të vështirë nxjerrjen e të mbijetuarve nga rrënojat.

Në zonat më të prekura, banorët dhe vullnetarët po kërkojnë të afërmit e tyre duke gërmuar edhe me duar, ndërsa skenat e shkatërrimit pasqyrojnë përmasat e tragjedisë që ka goditur Venezuelën.

/vizionplus.tv