Dy persona janë arrestuar në Shkodër, ndërsa një tjetër është shpallur në kërkim, pas një konflikti me armë zjarri të ndodhur mbrëmjen e 25 qershorit në lagjen “Tre Heronjtë”.
Sipas Policisë, fqinjët Ndoc Lufi., 63 vjeç, dhe Aleksander Fojleta 27 vjeç, dyshohet se u përfshinë në një konflikt për motive të dobëta, gjatë të cilit qëlluan me armë zjarri për të kanosur njëri-tjetrin. Nga të shtënat u dëmtuan porta e oborrit të banesës së 63-vjeçarit dhe një automjet i parkuar aty.
Gjatë kontrolleve të kryera, efektivët sekuestruan një armë zjarri kallashnikov, që dyshohet se është përdorur gjatë konfliktit, si dhe municion luftarak dhe katër kallëpe lënde të dyshuar plasëse tritol në banesën e 27-vjeçarit.
Në vijim të hetimeve, policia shpalli në kërkim një 26-vjeçar me inicialet A. F., i cili dyshohet se ka qenë i pranishëm gjatë ngjarjes, por nuk e ka kallëzuar atë. Puna vijon për kapjen e tij dhe për zbardhjen e plotë të rrethanave të rastit.
/vizionplus.tv
