Arkitekti Gjergj Caca tha se publikimi i fotos së protestuesit Erlis Sina në rrjetet sociale të kryeministrit, është një shkelje privatësie. 

I ftuar në studion e QUO VADIS në Vizion Plus, Caca u shpreh se Rama bën çdo profesion tjetër, veç rolit të kryeministrit.

“Kjo që bëri Rama është hyrje në shtëpinë e tjetrit. Edhe gjuha është denigruese si: “ta qaj hallin”. Një kryeministër që paguhet nga taksat për të bërë kryeministrin, bën çdo gjë tjetër veç kryeministrit. Bën kopshtarin, blogerin, kryebashkiakun. Ai postim, ndoshta jo vetëm për të treguar keqardhje, por më shumë si ofendim, që “shih si jeni katandisur”. Vendimi për të qëndruar 24 orë s’ka qenë unanime nga gjithë protestuesit. Grupi është i vogël që qëndron natën. Rama nuk merret me hallet, por i hyn kudo në Facebook dhe e gërrmon dhe nis krijon një fabul”, tha Caca.

/vizionplus.tv