Teksasi po përballet me një nga përmbytjet më të rënda në historinë e fundit, ku fatkeqësia ka shkaktuar të paktën 27 viktima, përfshirë dy vajza të vogla nga kampi pushimor Mystic.
Ndër viktimat janë edhe disa fëmijë dhe drejtues të kampit, ndërsa mbi 20 persona mbeten të zhdukur.
Sherifi i Qarkut njoftoi se mes të gjeturve janë dy vajzat Renee Smajstrla, 8 vjeçe, dhe Janie Hunt, 9 vjeçe, të cilat ishin pjesë e grupit të fëmijëve që u kapën nga përmbytjet e shpejta të lumit Guadalupe.
Autoritetet vazhdojnë operacionet e kërkim-shpëtimit në zonat e prekura, ndërsa familjet dhe komunitetet po përballen me pasojat e rënda të kësaj katastrofe.
Në reagimin e tij të parë publik lidhur me ngjarjen, Presidenti amerikan Donald Trump e cilësoi situatën si “të tmerrshme” dhe “shqetësuese”, duke shprehur ngushëllimet për familjet e viktimave dhe duke theksuar rëndësinë e mobilizimit të të gjithë institucioneve për ndihmë.
