Mbajtja nën vëzhgim dhe përgjimet intensive për dy vite me rradhë të anëtarëve të grupit kriminal Avdylaj nga Shijaku, nxorën në pah edhe emrat e dy ish deputetëve socialistë, Arben Çuko dhe Arben Ndoka. Ata u arrestuar nga policia mbrëmjen e së djelës, me kërkesë të Prokurorisë së Krimeve të Rënda.

efekte

Nga përgjimet e organit të akuzës, si dhe agjensitë ligjzbatuese, ka rezultuar se ish deputeti Ndoka ka komunikuar në mënyrë të herë pas hershme me një nga anëtarët e grupit të Avdylajve, e konkretisht me Jasin Avdylin.

 

Burime nga organi i akuzës pohuan për Vizion Plus se Ndoka dhe Avdylaj kanë një lidhje të ngushtë miqësore, bisedat e të cilëve lidheshin me tjetërsim pronash.

 

Arben Ndoka akuzohet për veprat penale “Falsifikimi i dokumenteve”, “Falsifikimi i vulave, stampave ose i formularëve”, “Shpërdorimi i tokës”, në kuadër të një grupi kriminal, të përfshirë në tjetërsim tokash në zonën e Lezhës, ku bënte pjesë edhe ish-kryebashkiaku i Lezhës, Fran Frrokaj, në mars të këtij viti.

 

Ndërsa emri i Arben Çukos doli në përgjime gjatë kohës që ai mbante postin e drejtorit të përgjithshëm të burgjeve. Çoku akuzohet për korrupsion, pasi kundrejt shumave të ndryshme parash kryente transferimet e të burgosurve, si dhe u jepte atyre leje të herë pas hershme.

Leave a Reply

Your email address will not be published.