Kandidati për deputet i PD në Qarkun e Tiranës, Flamur Noka paralajmëroi se kushdo që do të tentojë të prekë votën më 25 prill, do të përballet me opozitën.
Ai deklaroi për “Quo Vadis” se vota e lirë do të mbrohet “dhëmbë për dhëmbë”. Sipas Nokës, kryeministri Edi Rama është i pashpresë përballë opozitës, e cila do të sjellë ndryshimin.
“Një gjë është e qartë, e ka thënë presidenti, e kemi thënë edhe ne. Loja me votën është lojë me zjarrin. Vota në Shqipëri do të votohet me çdo kusht, në çdo rrethanë. Askush nuk do të guxojë të prekë votën e lirë. Kush do të tentojë të bëjë diçka të tillë, do të ketë përballë PD dhe opozitën, dhëmbë për dhëmbë. Edi Rama sot është i pashpresë. Nevoja për ndryshim shihet në sytë e çdo shqiptari.”
