Landi Asko është një fermer nga Lushnja, i cili thotë se prodhimi bujqësor për këtë sezon ka qënë në maksimum, por ajo çfarë po ndodh në këto ditë izolimi është mungesa e shitjes së mallrave. Bllokimi më i madh vjen nga mbyllja e tregjeve jashtë vendit.
Edhe pikat e grumbullimit thonë se situata është shqetësuese, pasi partnerët e huaj po anulojnë kontratat për shkak të izolimit të konsumatorëve por edhe kufizimit të lëvizjes nga një shtet në tjetrin.
Por sikur të mos mjaftonte izolimi, situata në tregje është dinamike çka bënë që edhe çmimet të luhaten duke krijuar humbje.
Por çfarë do të ndodh në rast se izolimi do të zgjasë në kohë?
