Një person është vrarë dhe një tjetër është plagosur pas një sherri mes disa personave në Zllakuqan të Lipjanit.
Sipas medieve në Kosovë, viktimë ka mbetur një 57-vjeçar me iniciale A.Z.
Rasti është konfirmuar nga zëdhënësja e policisë për rajonin e Prishtinës, Flora Ahmeti.
Ahmeti tha se personi tjetër është plagosur me thikë dhe është në gjendje të rëndë.
“Rreth orës 13:00, policia ka marrë informatën për një vrasje që ka ndodhë në fshatin Zllakuqan të Lipjanit. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në informacionet e para janë ngritur dyshimet se një mosmarrëveshje mes disa personave ka rezultuar me plagosjen e rëndë të dy personave, dyshohet me mjet të mprehtë thikë. Njëri nga personat e lënduar ka vdekur, ndërsa i lënduari tjetër është dërguar për tretman mjekësor. Vdekjen e viktimës mashkull, rreth 57 vjeç, e ka konstatuar ekipi mjekësor në QKMF në Magure”, tha Ahmeti.
Mësohet se dy persona të dyshuar janë arrestuar. Grupi hetimor nën drejtimin e prokurorisë po heton rrethanat e ngjarjes./vizizionplus.tv
