Fjalori skandaloz i përdorur në profiling e tij në facebook kundrejt gazetareve dhe personave të tjerë I ka kushtuar punën si drejtorit të Shërbimit Parësor Spitalor, bashkëshortit të zv.Ministres se Brendshme Rovena Voda.
Aurel Voda u shkarkua nga detyra e drejtorit të Shërbimit Parësor Spitalor me një vendim të firmosur nga ministrja e Shëndetësisë Ogerta Manastiriu për shkak të fjalorit të papërshtatshëm në rrjetet sociale.
“I patolerueshëm reagimi i dr.Aurel Vodës në profilin e tij në Facebook ndaj disa sulmeve mediatike. Cilatdo qofshin arsyet që e kanë motivuar atë reagim, ai e ka humbur të drejtën të paguhet me taksat e qytetarëve si drejtues në strukturat e sistemit të Ministrisë së Shëndetësisë. Largimi i tij është një mesazh i qartë për të gjithë. Kush s’i duron dot me qytetari sulmet e çfarëdo lloji, nuk mund të jetë pjesë e sistemit tonë”, shkruan ajo.
Fillimisht Aurel Voda përdori një gjuhe skandaloze në një lajm ku shkruhej se PD do të niste protestat pasi Shqipërisë negociatat. Ai shkruante në një koment poshte lajmit ku fliste Dashamir Shehi: “Na plasi k***”.
Më pas sulmoi po nje fjalor të papërshtatshëm edhe mediat dhe segmente të tjera në PS.
