Një ngjarje tragjike është regjistruar paraditen e së mërkurës në fshatin Tushemisht, ku një 63-vjeçar ka humbur jetën teksa kryente punime për riparimin e banesës së tij.
Sipas informacioneve paraprake, viktima, Kristaq Çulaku, po punonte me një gur fleksibël kur, për shkaqe që ende po hetohen, disku i pajisjes është thyer dhe e ka goditur rëndë.
I plagosur, 63-vjeçari u transportua me urgjencë drejt spitalit, por nuk arriti t’u mbijetojë plagëve dhe ndërroi jetë gjatë rrugës.
Në vendngjarje mbërritën menjëherë shërbimet e Policisë, të cilat kanë nisur hetimet për të zbardhur rrethanat e plota të ngjarjes. Trupi i pajetë është dërguar në morg, ndërsa ekspertiza mjeko-ligjore dhe veprimet hetimore pritet të përcaktojnë me saktësi shkaqet e aksidentit.
/vizionplus.tv
