Kriza e mungesës së fuqisë punëtorëve ka prekur ndër të tjera biznese baret dhe restorantet.
I ftuar në emisionin e mëngjesit “7pa5” në Vizion Plus, Asim Prengezaj nga Shoqata kombëtare e shefave dhe kuzhinierëve shqiptarë tha se Shqipëria është “në konkurrencë” me Barcelonën për vendin e parë për mungesë stafi. Ai u shpreh se vitin 2023 Shqipëria ka qenë me 45% minus staf duke detyruar struktura të mëdha t’i kthehen vetëshërbimit.
Nga ana tjetër, Migel Parllaku specialist për trajnimin e shërbimit tha se mungesa e kamarierëve vjen edhe për faktin se të rinjtë nuk e trajtojnë si një profesion te mirfilltë.
Paga nuk është një arsye e mungesës së kamarierëve dhe kuzhinierëve pasi rrogat janë mbi mesatare.
“Pagat e kamarierëve nisin nga 50-70 mijë lekë të reja, përpos bakshisheve. Investitorët po i risin pagat, por të rinjtë nuk e shohin si profesion.”, shprehet Parllaku.
Ndërsa pagat e kuzhinerëve përgjithësisht janë mbi 1 mijë euro.
“Investitorët po punojnë me projekte. Me kuzhina bashkëkohore që ofrojnë të gjitha kushtet e punës. Oraret, me kontratë punë. Pasi kuzhinierët kanë punuar nga 12 orë. Duke qenë kërkesa e madhe ka patur rritje të pagave. Një kuzhineri paguhet nga 80 mijë lekë të reja deri në 120 mijë lekë. Shefat e kuzhinës paguhen nga 1500 euro e lart”, ka thënë Prengezaj./vizionplus.tv
