Një rrjet i dyshuar i llogarive ruse dhe faqeve të përfshira në organizimin e ngjarjeve politike në Shtetet e Bashkuara të Amerikës është fshirë nga Facebook. Sipas Facebook-ut, rrjeti kishte dashur të ndërhynte në zgjedhjet politike në Amerikë që mbahen në nëntor.
Ndër të tjera Facebooku ka thënë se dyshon që grupi rus është prapa 30 faqeve që shfaqin qëndrime të ndryshme politike të SHBA-së.
Gjiganti teknologjik ka thënë se nuk e di saktësisht kush është prapa rrjetit, por thotë se “ka gjetur mjaftueshëm dëshmi të lidhjeve të këtyre llogarive” dhe atyre që kishin bërë postime lidhur me zgjedhjet presidenciale të vitit 2016.
