Detaje të reja zbulohen nga hetimet e Prokurorisë në lidhje me vrasjen e Kudret Saliajt. Burimet bënë të ditur se gruaja e tij, Dhurata Saliaj, i dha pistoletën babait të saj për të vrarë burrin me të cilin ishte në proces divorci.

 

Dhurata bashkë me të atin rezultojnë që ditën e ngajrjes të jenë ulur në të njëjtin lokal me dhëndrin. Vajza i ka zgjatur Mexhit Picarit një çantë femrash ku mendohet se ishte fshehur arma. Pas krimit, pamjet tregojnë se  ata të dy u larguan me taksi nga vendi i ngjajres.

 

Dhurata Saliaj ishte dënuar nga gjykata me “Arrest shtëpie” pasi kishte ushtruar dhunë ndaj familjes së saj. Si provë, u morën dëshmitë e fëmijëve të saj si dhe të vjehrrës.

 

“Më ka marrë disa herë në telefon dhe më ka kërcënuar duke më thënë ‘do të vras ty dhe mbesën e gocën e fjalë të tjera kërcënuese.”

 

Edhe vajza e mitur e çiftit, ka deklaruar se e ëma e kërcënonte shpeshherë gjyshen e saj.

 

“Në darkë kur po rrinim në shtëpi dëgjova mamin që telefonoi gjyshen dhe e kërcënoi me fjalë duke iu thënë se ‘do ju vendos njerëz nga prapa për t’ju vrarë’.”

 

Djali i mitur i çiftit ka sqaruar se ka parë disa mesazhe të nënës së tij me një person të cilit i shprente dashurinë e për pasojë ajo sillej ashpër me të voglin.

 

Ndërkohë nga akti mjeko-ligjor i bërë më 9 tetor të vitit të kaluar, në trupin e vajzës së Dhurata Saliajt u konstatuan shenja të shkaktuara me një mjet prerës që dyshohet se ia shkaktoi e ëma.

Leave a Reply

Your email address will not be published.