Kryemadhi: Samiti i Shengenit Ballkanik nxit konflikt, Rama po e përdor për presion ndaj BE

Monika Kryemadhi shprehet kundër Samitit të Mini Schengenit Ballkanik pa pjesmarrjen e Kosovës.

Në një kohë që në Tiranë do të nisë pasditen e kësaj të premteje takimi I 3 mes liderve të rajonit për Mini Schengenin Ballkanik, drejtuesja e LSI ka deklaruar se ky Samit jo vetëm që është I nxituar pa pjesmarrjen e Kosovës por nxit konflikt.

Mini Schengeni Ballkanik pa Kosovën dhe vendet e tjera të Ballkanit Perëndimor është jo vetëm një iniciativë e nxituar, por ajo nxit konflikt dhe lë shumë dritëhije pas. Këtë e konfirmoi edhe ambasadori Grenell pak kohë më parë kur theksoi se “ Ne besojmë se që kjo nismë të jetë e suksesshme, ajo duhet të përfshijë të gjithë në rajon, përfshirë qeverinë e Kosovës”.

Kryemadhi shton se suksesi I kësaj nisme lidhet me gjithëpërfshirjen ndërsa kërkon transparence edhe për diskutimet e deritanishme mes Ramës, Zaev dhe Vucic në takimet e kaluara. Për këtë arsye ajo ngre edhe disa pyetje në emër të LSI:

LSI është në mbështetje të çdo marrëveshjeje dhe bashkëpunimi që sjell stabilitet dhe rritje ekonomike, por që ky të jetë një proces i besueshëm ka nevojë emergjente për transparencë. Sot të gjithë ne kërkojmë të dimë:

1. Çfarë është diskutuar mbi këtë marrëveshje?
   2. Cilat janë pikat e bashkëpunimit për të cilat është rënë dakord?
   3. Përse Kosova, Mali i Zi dhe Bosnja kanë refuzuar të jenë pjesë?
   4. Çfarë përfiton dhe çfarë humbet Shqipëria?
   5. A garantohet njohja e Kosovës nëpërmjet këtij bashkëpunimi?
   6. Çfarë e detyroi Kryeministrin të vraponte drejt kësaj iniciative duke mos marrë parasysh Kosovën?

 

Kryemadhi shton se nëse Mini Schengeni po përdoret nga Edi Rama për presion ndaj BE, ai duhet ta di mirë se perspektiva evropiane e Shqipërisë është e pazëvendësueshme.

Kushtet e Bundestagut, deklaron drejtuesja e LSI,  janë i vetmi udhërrëfyes që kanë qytetarët shqiptarë.

Çdo shfaqje dhe propaganda, vijon Kryemadhi, vetëm dëmton rrugëtimin evropian të vendit!