Pasi u përjashtua nga seanca plenare, Flamur Noka ka folur për mediet jashtë sallës së Kuvendit. Ai paralajmëroi se situata në Kuved do të jetë e njëjtë sa herë të ketë seanca plenare, pra kaos. Ky vendim është marrë pas dënimit të ERvin Salianjit me një vit burg nga Gjykata e Apelit më 26 shtator.
Noka: Edi Rama na ka hapur luftë ka tre vjet. Zgjodhi të arrestojë liderin e opozitës dhe tani me radhë, dënoi nënkryetarin e Grupit Parlamentar, Ervin Salianjin. Po kërcënon me burg liderin e Partisë së Lirisë. Ai zgjidhje shikon kërcënimin me burg për këdo që denoncon dhe lufton për interesin publik. Kushdo që i nxjerr të palarat e vjedhjeve, korrupsionit, drogës Edi Ramës ka një përgjigje, kqërcënohet me burg. Ne nuk stepemi, ta harrojë Edi Rama që mund të likujdojë opozitën. Opozita është në ballë të aksionit që kemi nisur. Shqiptarët nuk meritojnë një narkoregjim. Ata që janë sot në qeveri nuk janë të denjë për të qeverisur shqiptarët, janë të denjë për të vjedhur sepse ky është profesioni i tyre. Ne do t’i dalim zot këtij vendi. Çdo të hënë dhe enjte në Parlament do të jetë kjo panoramë që patë. Nuk ka kompromis me mafien, ne jemi në betejë. Qeveria teknike është zgjidhja që Shqipëria të ecë përpara.
Lexo edhe :
Related Posts
Pas dënimit të deputetit demokrat, Ervin Salianji, opozita riktheu skenarin e kaosit në Kuvend. Ndërsa kryeparlamentarja po njoftonte ndërprerjen e mandatit për deputetin e PD, Salianji, opozita shkaktoi kaos e tensione. Madje, opozitarët hodhën dhe shishe uji në drejtim të kryeparlamentares, ndërsa kishin rrethuar edhe foltoren e Kuvendit.
Kryetarja e Kuvendit, Elisa Spiropali iu kthye me një përgjigje të vetme, deputetit Flamur Noka duke i thënë “Sa burrë që je Flamur”.
Pas kësaj, deputetët e opozitës kanë dalë jashtë sallës së Kuvendit, duke nxjerrë në oborr edhe të gjitha karriget e tyre, të cilave iu vendosën flakën.
Pas djegies së karrigeve, opozita u kthye sërish në sallë dhe mbajti foltoren e bllokuar. Seanca u mbyll pas 20 minutash. /vizionplus.tv
