Familjare, miq, kolege, personalitete të jetës publike dhe dashamirës të sportit i kanë dhënë lamtumirën e fundit, Shyqyri Rrelit, një emri të njohur të futbollit shqiptar ndër dekada.
Ai u nda nga jeta këtë të martë në mëngjes në moshën 89 vjeçare.
Qindra njerëz morën pjesë në homazhet e zhvilluara në stadiumin e ri kombëtar për nder të ish-futbollistit të njohur të Dinamos e Tiranës e ish trajnerit të ekipeve tona kombëtare në vitet ‘80.
Presidenti Meta vlerësoi lart figurën e Profesor Rrelit, si një nga personalitetet më të shquara të historisë së futbollit shqiptar, vlerësim të cilin e përsëriti edhe kreu i federatës Armando Duka.
Profesor Shyqyri Rreli, ka qenë ish-futbollist i Erzenit, Tiranës, Dinamos dhe skuadrës kombëtare ku fitoi shumë trofe.
Kulmin si trajner e pati me ekipet kombëtare. Në drejtimin e tij skuadra jonë arriti suksese dhe fitore gjatë drejtimit ne vitet ’80.
Fitoren 2-0 e 1984 ndaj Belgjikës me gola të Josës dhe Mingës . Barazimi 2-2 me Poloninë e Boniekut më 31 tetor 1984 etj, dy titujt kampion i Ballkanit me skuadrën U-21 dhe çerekfinalist po me shpresën në euro 1984.
Për shkak të kësaj karrierë ai mbante disa tituj mes të cilëve “Mjeshtër i Madh”, dhe nderi i kombit.
