Deputeti socialist Pirro Vengu ishte i ftuar këtë të enjte në studion e QUO VADIS në Vizion Plus.
Vengu, e cilësoi protestën kundër investimit në Zvërnec si një reagim qytetar të denjë dhe një shenjë normaliteti demokratik për Shqipërinë, por ka theksuar se jo të gjitha mesazhet që përcillen gjatë saj janë të pranueshme.
Deputeti shtoi se banorët e zonës së Zvërnecit janë të interesuar për zhvillimin ekonomik të territorit ku jetojnë, pavarësisht problematikave që kanë hasur ndër vite me çështjet e pronësisë.
Megjithatë, ai ngriti shqetësimin për disa prej sloganeve dhe mesazheve që, sipas tij, janë shfaqur gjatë protestës.
Pjesë nga biseda:
Pirro Vengu: Është një protestë e denjë. Jo çdo mesazh që përcillet brenda protestës është edhe ai i denjë. Shumë lajm i mirë që u shembën ato tela, gardhe. Shumë mirë që pati arrestime. Banorët e zonës duan zhvillim, por që të jenë të pacenueshëm nga ana e ligjit. Pse them që banorët e zonës duan zhvillim? Sepse ky është realiteti. Ata janë aty prej kohësh dhe e dinë që për një zonë të tillë. Ne nuk po flasim vetëm për një resort. Kur pyet banorët e zonës, patjetër janë të lodhur nga proceset gjyqësore për pronat, por bien dakord që duhet ta zhvillojnë. Protesta është shumë e denjë, një normalitet për vendin tonë. Kemi parë protesta të tilla në vende të zhvilluara, ja që po ndodh edhe te ne. Nga ana tjetër, dua të theksoj se jo çdo mesazh është i denjë për t’u dëgjuar. Vura re disa slogane të importuara. Unë jam vetë baba i tre fëmijëve. Jetojmë në një kohë ku bota dixhitale e ka sjellë këtë. Algoritmet janë pjesë e protestës. Kemi aty profesionistë të mirë, kemi maturi, janë produkt i shoqërisë kur ne kemi qeverisur vendin. Kjo protestë e denjë ka elementë evropianë, por edhe mesazhe që duhet të shihen me kujdes. Keqkuptimet janë ato që ekzitojnë më shumë.
Borakaj: Cili është ky informacion, sepse qytetarët transparencë kërkuan?
Pirro Vengu: Patjetër që duan transparencë, por informacioni nuk është asnjëherë i mjaftueshëm. Ajo që është e rëndësishme është t’i kthehemi dialogut dhe maturisë.
/vizionplus.tv
