Të gjithë të ndaluarit pasditen e së enjtes në Bularat për thirrje raciste, nxitje të urrejtjes dhe kalim të paligjshëm të kufirit pasi u mbajten disa orë në komisariatin e Gjirokastrës u lanë të lirë në orët e para të mëngjesit të së premtes.
Një pjesë e tyre ishin shtetas grekë të ardhur në Bularat me autobusë ndërsa të tjeret minoritarë që jetonin në Shqipëri, kryesisht në Sarandë.
Pasi dolën nga komisariati ata u priten jashtë godinës nga mediat greke me të cilat kryen lidhje të ndryshme telefonike dhe video duke treguar momentet e shoqërimit nga forcat speciale.
KRISTO DUCI
Menjehere pas varrimit ndersa ishim ne aksin kryesor te rruges se Dropullit na erdhen tre makina dhe nje makine police. Na ndaluan telefonat dhe na thane do te vini ne komisariat. Na vune ne makina te ndryshme, dhe ne komisariat ishim ne ambiente te ndryshme, nuk shikonim njeri-tjetrin. Ishim rreth 12 persona. Na mbajten ne komisariat shtate ore. Na dhane nje mesazh. Me e pabesueshmja është që ishin forcat speciale.
Edhe të ndaluar të tjerë treguan për orët e kaluara në komisaritin e Gjirokastrës.
Ndenjem ne komisarit 10 ore pa arsye. Ngrime se ftohti, pa ditur perse na kishin thirrur. Ishim rreth 12 vete.
Në mesin e të ndaluarve ishte edhe ekstremisti Karathanos që udhehoqi kortezhin gjatë ceremonisë mortore të Kacifas duke nxitur edhe thirrjet antishqiptare. Pavarësisht se shumë ekstremiste u ndaluan në kufi, të tjerët mendohet se janë future ilegalisht duke krijuar moment tensioni në Bularat.
