Deputeti demokrat dhe njëherazi Sekretari për Çështjet Zgjedhore, Oerd Bylykbashi së bashku me kreun e Partisë Republikane Fatmir Mediu dhe deputetet Albana Vokshi e Jorida Tabaku ndodhen në Parlamentin Europian në Bruksel.
Bylykbashki bën me dije se kanë paraqitur në Asamblenë Politike të EPP një amendament për Mbrojtjen e Demokracisë dhe Forcimin e Qëndrueshmërisë Zgjedhore në Europë. Në amendament theksohet se keqinformimi dhe propaganda nga vende si Rusia, Kina apo Irani që synojnë minimin e sistemeve demokratike, përforcohen në vendet që synojnë antarësimin në BE nga mungesa e zgjedhjeve demokratike.
Oerd Bylykbashi: Në Asamblenë Politike të EPP, paraqitëm amendamentin e PD-së në rezolutën e EPP për Mbrojtjen e Demokracisë dhe Forcimin e Qëndrueshmërisë Zgjedhore në Europë.
Amendamenti thekson se keqinformimi dhe propaganda nga vende si Rusia, Kina apo Irani që synojnë minimin e sistemeve demokratike, përforcohen në vendet që synojnë antarësimin në BE nga mungesa e zgjedhjeve demokratike, një shtet i së drejtës i dobët dhe përqendrimi pushtetit në një dorë në dëm të ndarjes së pushtetit.
Gjithashtu amendamenti thekson se korrupsioni i përhapur dhe lidhjet me krimin e organizuar i sigurojnë këtyre aktorëve malinjë korridore të fshehta për të penetruar në institucionet demokratike përmes të zyrtarëve të zgjedhur apo të emëruar, duke përçuar qëndrime që minojnë demokracinë.
Asambleja Politike e EPP e miratoi me unanimitet amendamentin e PD-së
Rezoluta e nëntorit 2024 për Shqipërinë thekson pikërisht mungesën e zgjedhjeve demokratike, kapjen e shtetit nga Kryeministri dhe korrupsionin endemik sidhe lidhjen e elitës së partisë në pushtet me krimin e organizuar. Shqipëria është shembull i rreziqeve që një demokraci e dobët antare e NATO-s dhe kandidate për antare të BE-së, ku krimi dhe korrupsini janë shtruar këmbëkryq, i sjell BE-së dhe NATO-s.
Më 11 maj 2025 është radha jonë, e opozitës bashkë me shqiptarët, të bëjmë ndryshimin./vizionplus.tv
