Shtetet e Bashkuara dhe Ukraina janë dakordësuar për kushtet e një marrëveshjeje për mineralet e rralla, e cila konsiderohet kyçe për përpjekjet e presidentit amerikan Donald trump për t’i dhënë fund luftës.
Mediat kanë bërë të ditur se në marrëveshje nuk përmenden garanci të sigurisë, apo zotime për dërgim të mëtejshëm të armatimeve por që Shtetet e Bashkuara duan që Ukraina të jetë e lirë, sovrane dhe e sigurt.
Në këmbim SHBA dhe Ukraina do të kenë pronësi të përbashkët të një fondi ku Ukraina në të ardhmen do të kontribuojë 50% të të ardhurave nga burimet shtetërore, përfshirë mineralet, naftën dhe gazin.
Dërgesa shtesë dhe garanci sigurie pritet të diskutohen mes presidenteve Trump e Zelensky kur ky i fundit të mbërrijë në Uahhington.
Kreu i Shtëpisë së Bardhë iu ka thënë gazetarëve se homologu ukrainas mund të shkojë në SHBA të premten.
Përparimi në negocimin e marrëveshjes vjen pasi Trump dhe homologu Zelensky shkëmbyen një retorikë të ashpër javën e kaluar lidhur me dallimet e tyre për këtë çështje./vizionplus.tv
