Kamerat e sigurisë kanë regjistruar momentin e konfliktit mes fqinjëve në fshatin Gështenjas të Pogradecit ku mbeti i vrarë Safet Hyskollari nga autori Fatmir Manellari.

 

 

Manellari ka dalë këtë të martë para gjykatës ku ka mohuar ta ketë bërë vrasjen me dashje.

 

 

Ai ka pretenduar se viktima e ka sulmuar i pari ndërsa i është kthyer për tu vetëmbrojtur.

 

 

 

Sipas tij, ngjarja është nxitur edhe nga bashkëshortja e viktimës e cila ka nxitur konfliktin bashkëshortin e saj të ‘hiqte qafe’ fqinjin pasi kishin para dhe mund ta mbyllnin çështjen.

 

 

 

“Nuk e kam bërë vrasjen me dashje. Janë kamerat, ai më sulmoi unë jam vetëmbrojtur. Ai më goditi me gur i pari në kurriz. Ai pasi më goditi me gur, ka shkuar të marrë letra në banesë ndërkohë e shoqja ka thirrur duke i thënë vraje atë. Unë jam vetëmbrojtur. Kjo vërtetohet nga kamerat. Nuk kam pasur thikë, por aty kam gjetur një drapër të vjetër. Ai në këtë kohë më ka kapur në njërën dorë dhe në këtë moment më janë errur sytë. Ky debat ka 20 vjet. Kur u prish kooperativa unë mbajta kovaçanën pasi xhaxhai më kishte thënë se ishte e  jona me tapi të vjetër. Ndërsa këta u futën tek godinat e koperativës. Kur ata kanë bërë ndërhyrje ndër vite më kanë ofenduar vazhdimisht duke më thënë ‘ik ore fshatar’.

 

Ditën e ngjarjes isha në punë, në fabrikën e karrikeve. Shkova tek shtëpia i thirra, nuk doli njeri. Më pas e kam parë nga pas shtëpisë, folëm dhe i thashë pse më shkatërron pronën. Më ke bërë punë mbi pronën time. Më tha që kam dokumenta, por largohu. Ndërkohë që bisedonim, del e shoqja dhe i thotë atij: ‘Vraje atë, ne kemi lek dhe e heqim qafe’. Në atë kohë nisi konflikti, shikoni kamerat. Situata u acarua shumë dhe më pas e kam goditur, më janë errësuar sytë.”– ka thënë autori.

 

 

Prokurori është shprehur se dinamika e ngjarjes nuk është ajo çfarë thotë autori. Ata mund të kenë bërë debat verbal, por ajo që fiksohet në pamjet filmike është se autori është larguar nga banesa e viktimës, ky i fundit po e ndiqte, më pas autori kthehet nxjerr thikën dhe e godet disa herë viktimën.

 

 

Megjithë pretendimet e të akuzuarit, Gjykata e Pogradecit ka vendosur ‘arrest me burg’ për Fatmir Manellari.

 

 

Ngjarja ndodhi dy muaj më parë por autori u kap javën e shkuar pasi gjatë gjithë kësaj kohe fshihej në një zonë të pyllëzuar.

 

 

Leave a Reply

Your email address will not be published. Required fields are marked *