Daut Laze u arratis nga burgu i Shënkollit gjatë orëve të para të mëngjesit të djeshëm, 4 shkurt.
Policia e Shtetit vendosi 10 mijë euro shpërblim për çdo person që jep informacione të vlefshme për vendndodhjen e tij, pasi sipas policisë ai paraqet rrezikshmëri shoqërore.
Lexo edhe :
Related Posts
Një ditë pas ngjarjes, familjarët e Dautit thonë se nuk kanë dijeni ku ndodhet i arratisuri, pasi nuk kanë pasur asnjë kontakt me të që në momentin që janë njoftuar për ngjarjen.
Mësohet se Laze nuk ka shkuar në shtëpinë e tij.
E ëma thotë se nuk ka asnjë lajm nga i biri pasi nuk e ka telefonuar.
Pas lajmërimit të arratisjes, Komisariati nr. 6 ka kontaktuar me familjen, në kërkim të informacioneve më të plota për vendndodhjen e mundshme.
Dauti njihet si person besimtar, dhe kontrolle janë ushtruar edhe në Tiranë, përfshirë edhe xhamitë nëpër Tiranë, por deri tani nuk është gjetur.
Daut Laze është arrestuar në vitin 2021, për veprën penale “Dhuna në familje”, dhe në vitin 2024, Gjykata e Tiranës i ka caktuar masën “Mjekimi i detyruar në një institucion mjekësor”./vizionplus.tv
